TACLOBAN CITY- Nakatalaan nga abrihan ha mga 4PS beneficiaries, han Social Security System (SSS) kasugbong an Department of Social Welfare and Development (DSWD), an usa nga programa kun diin mayda na huhulogan an mga ine kinada bulan.
Sumala kan Matthew Matienzo, Information Officer Social Security System Vlll, nagkamayda hin kasarabutan an buhatan hiton Social Security System ngan Department of Social Welfare and Development, agud nga kilalal-on an 4Ps AlkanSSSya Program, ine nga programa in exclusive para ha mga benepisyaryo han 4Ps.
Dugang pa han mao nga opisyal, target nira ha pagkayana an maabot ha 1M nga mga self-employed nga miyembro han nasabi nga programa han gobyerno.
Ginmalatumat naman ni Matienzo, nga makikipag koordinar naman an buhatan hiton SSS ha mga munisipalidad dinhi ha rehiyon, agud ngan ine na an magdumara ngan magpasarang han nasabi nga benepisyo ha ira nasasakupan.
Ginpaangbit naman hine nga depende la ha magigin extra income han 4Ps beneficiaries, ngan pwede ine nira nga ighulog ha metal box nga igbubutang ha ira mga munisipalidad, ngan ha katapusan hiton bulan iihapon ine ngan igtuturn-over na ha buhatan han SSS.
Ada naman ha pinakahamubo nga kantidad an kinahanglan kompletuhon han bag-o nga mga miyembro, kun diin nagkakantidad la ine ha Php570.00 kada bulan.
