TACLOBAN CITY– Tulo nga mga estudyante an namatay samtang 13 naman an nasamaran ha panmumusil nga nahitabo ha sakob han San Jose National High School, mga alas 9:00 han aga yana nga Hunyo 22, 2026.
Sumala han mga otoridad, dayon nga nadakop an duha nga suspek nga pareho mga menor de edad ngan mga estudyante han nasabi nga eskwelahan.
Usa han mga suspek in usa nga Child in Conflict with the Law (CICL) nga residente han San Jose, syudad han Tacloban.
Nagawas ha inisyal nga imbistigasyon nga usa ha mga motibo han mao nga insidente an bullying.
Subay han impormasyon, usa han mga estudyante nga nahidadabi han mao nga kaso ,ngan maiha na nga nakakaeksperyensya hin bullying.
Ginsuspender naman an klase han tanan nga lebel ha nasabi nga eskwelahan.
Samtang, narekober naman an pusil nga gingamit han mga suspek kun diin gintutuohan nga service firearm hiton usa nga babaye nga pulis nga naka-assign ha PRO-8.
Samtang, an usa naman nga pusil nakarehistro ha usa nga private security agency ha Cebu City.
Subay ha impormasyon, nakuha nira an 9mm glock pistol, .38 caliver revolver kun diin mayda kabug-usan nga 40 nga empty shell hiton pusil an narekober ha crime scene.
Mababaruan nga naka-palno na an mga suspetsado, nga magbuhat hin pamusil tungod nga ugsa an insidente, nagpost hira ha social media nga may dara nga mga pusil, ngan nagsarang liwat ha social media an mga screen shot han ladawan.
Sumala ha Tacloban Police Station, papahugton pa an seguridad ha ngatanan nga mga eskwelahan ha syudad kahuman han mao nga insidente.
Lakip ha mga pitad nga igpapatuman an mas istrikto nga inspeksyon ngan mandatory nga pankap-kap han mga estudyante antis hira sumulod ha ira mga eskwelahan.
Nakikisubo naman ine ha mga nabayaan nga pamilya han biktima nga namatay ngan sugadman han mga dabi han panhitabo.
Padayon pa an imbestigasyon hit mga otoridad, agud nga masayuran ha kabug-usan nga insidente ngan kun may pagbabatunon an mga responsable han panmusil.
.
