TACLOBAN CITY- Waray na kinabuhi an 3 nga mga kalalakin-an, han makit-an ine ha sirong han tulay ha Sogod, Southern Leyte.
Ginkilala an mga biktima kumo magparaptod, ngan an usa ha mga ine in minor de edad.
Sumala kan PMaj. Alfred Reynald Dauz, Chief of Police Sogod Municipal Police Station, nga an mga subay ha ira imbestigasyon, nakag-angkon an mga biktima hin bari ha ira magkalain-lain nga parti han lawas durot han kahulog han mga ine.
Dugang pa ni Dauz, nga ha ira kadugangan nga imbestigasyon, an mga biktima in naka higot an mga kamot, sugadman an mga tiil hine.
Ha pagkayana, nagpapadayon an gindudumara nga imbestigasyon han mga otoridad, ngan ngatanan nga angulo in ira papanginanuon.
Nanawagan naman ine ha publiko, nga makipagsumpayan ha ira buhatan agud nga dayon madakop an mga suspetsado.
Igpapailaorm naman an mga patay nga lawas ha autopsiya, agud nga makabulig ine nga masolbar ha tinuod nga rason han ira kamatayon.
