TACLOBAN CITY – Ginlalamayan na ha pagkayana an tulo nga mga magburugto mahuman an mga ini pagpusilon ngan pagtigbasun patay ha natabo nga away pamilya ha Purok 5, Barangay Tinambaca Norte, Calbayog City, Samar.
Ginkilala an mga namatay nga hira Renato Velasco, Teresita Walker ngan Romeo Velasco Sr, ada ha sakto nga pangidaron ngan residente han mao nga lugar.
Labot ha mga napatay in upat naman an nahipatik nga ginkilala nga hira Romeo Velasco, Jr. ngan 7 anyos nga bata.
Samaran liwat an duha ha mga suspek nga hira Helen Labonite ngan Vicente Labonite
Padayun naman nga nagpapatambal ha hospital an mga samaran.
Labot hini in ginkilala pa an iba nga mga suspek nga hira Mario Sayson ngan Angelo Jabonero.
Ha pakighimangraw han Bombo Radyo Tacloban kay Capt Gracela Sabas, Tagapagyakan han Calbayog PNP, nga magparaptod la an mga suspek ngan biktima ngan an away ha tuna an hinungdan han ira deleto nga umabot pa ha madugo nga insidente.
Nakompiska naman sa crime scene ang 1 homemade nga shot gun, 1 kalibre .38, ngan 2 nga bolo.
Naaresto naman an mga suspek ngan ha pagkayana in gin aandam na an kaangayan nga kaso ala kontra ha mga ini.
Pamatian ta pa an dugang nga pamahayag ni Capt Gracela Sabas, Tagapagyakan han Calbayog PNP ha interview han Bombo Radyo Tacloban:
