TACLOBAN CITY — Manilampuson nga nadakop han mga otoridad an 3 nga drug personality ha ginbuhat nga drug buy-bust operation ha Brgy. 67, Anibong, siyudad han Tacloban.
Ginkilala an mga nadakop nga hira Aureo Montejo Pecayo, alyas Pics, 48 anyos an pangidaron, Mark
Homerez Montejo, 38 anyos an pangidaron ngan Nimfa Pecayo, 48 anyos an pangidaron ngan papreho mga residente han mao nga lugar.
Nahisabutan nga hi Aureo Pecayo ngan Nimfa Pecayo in anay mga surrenderee han Oplan Tokhang.
Napalit ha mga suspek an 1 ka sachet han gintutuuhan shabu samtang narekober naman ha ira posesyon
an 3 sachet han gintutuuhan shabu.
Ha pagkayana in nakapaslak ha Tacloban lock-up cell an mao nga mga suspek ngan naatubang ha kaso nga pagtalapas han sec 5, 11 ngan 12 han Art II han RA 9165.
