TACLOBAN CITY– Ginpahibaro han Department of Social Welfare and Development RO8, nga naka-standby na an mga relief goods para han mga apektado nga mga individuals, partikular na adton mga pamilya na na-apektaran han paglasurbo ni Bagyong Enteng ha Sinirangan Bisayas.
Sumala kan Regional Information Department of Social Welfare and Development RO8, Atty. Jonalyndee Chua, nga nakatutok yana an ira ahensya ha monitoring han mga lugar nga naapektaran partikular na ha Northern Samar, kun diin nahipatik an mga pagbabaha, ngan pagpan-pan hiton tuna.
Ginpaangbit naman hine, nga ha pagkayana mayda 23,400 nga mga Family Food packs an naka-standby para igpandestribwer, ngan mayda naman 29, 531 nga mga non-food items an naka-standby gihapon para ha mga hygiene kit nga pwede gamiton han mga evacuees.
Mababaruan, apektado an mga lugar sugad han Lavezares, Rosario, Mapanas, Lope de Vega, Gamay, Palapag, Lapinig, ngan Allen ngan usa gihapon nga landslide ha Allen han nasabi nga probinsya.
Kalakip gihapon ha Northern Samar in ginbaha sugad han Dolores,Can-Avid, Eastern Samar; Gandara, Samar, Leyte, Leyte; ngan Naval, Biliran.
