NATIONAL – Maabot ha 23 nga proyekto ngan programa an gin aprubahan han National Economic and Development Authority tikang han lumingkod ha pagka-Presidente hi President Ferdinand Bongbong Marcos Jr.
Sumala kan NEDA Sec. Arsenio Balisacan, kaupod na dinhi an Philippine Fisheries and Coastal Resiliency project; New Dumaguete Airport Development Project; Mindanao Inclusive Agriculture Development Project ngan University of the Philippines-PGH Cancer Center Project.
Pag eksplikar naman han sekretarya han nasabi nga ahensya, may kabug-usan nga ine nga pondo nga P749-B.
Kadungan hine, gin papanginano na gihapon han gobyerno an ada ha 185 Infrastructure Flagship Project nga may pondo naman nga P9.54-T o kaparehas han ada ha 163 billion dollars.
Panuyo han gobyerno nga mahuman an dako nga parte han proyekto tikang ha 185 IFPs ugsa mahuman an termino ni PBBM, ngan ha pagkayana in mayda 60 nga on-going.
