-- Advertisements --
TACLOBAN CITY – Paslak yana an duha nga kalalakin-an mahuman nga madakop nga Iligal nga nangingisda ha kadagatan han bungto han Jiabong, Samar
Ginkilala an mga suspek nga hira Teofilo Bacalla Bucatcat, 55 anyos ngan Elmer Dagumas, 22 anyos residente han Zumarraga, Samar.
Nabaruan nga nanadadakop hin mga gudti nga mga isda an duha o kun tawagun nga “Baby Trawl” nga mahugot naman nga gindidir ha ilarum han Municipal Order 29 of 2008.
Nadakop an mga ini pinaagi han pinag-usa nga pwersa han Jiabong Fishery Law Enforcement, Samar FLET, ngan Samar PPSC.
Paslak naman an duha ha Jiabong Police Station ngan naatubang ha kaangayan nga kaso.
