CATBALOGAN CITY–Dakop an 2 ka anay government employees kasumpay hiton pan-holdap ha usa nga laundry shop ha Brgy. Canlapwas, Catbalogan City.
Ginkilala naman an mga suspek nga hira alyas Marlou, 41 anyos, mayada asawa, anay government employee, ngan residente ha Brgy. Pajo, Tarangnan Samar ngan hi alyas Ram2x, 35 anyos, mayada asawa, anay government worker, ngan residente han Brgy. Poblacion D, Tarangnan.
Sumala kan PLTCOL. Norman Ala, Chief of Police han Catbalogan City Police Station, pasado ala una na hiton kulop natabo an incidente, kun diin nakuha han mga ine an maabot ha P15K nga kantidad hiton salapi.
Labot la ha P15K nga salapi, nakuha gihapon an P3,000 ha usa nga tindera ngan magkalain-lain nga IDs, mga wallet ngan personal nga gamit.
Subay han imbestigasyon, nag- disguise an mga suspek kumo mapalaba ha mao nga laudry shop, kun diin an ira tinuod nga panuyo in manginano kun anu an ira pwede kawaton.
Subay ha nagin pagresponde han kapulisan, narekopo an 40caliber hiton pusil, nga mayda sulod nga bala, kalakip na an granada, kutsilyo, ngan 2 nga motorsiklo.
Ha pagkayana, kapot na hiton kapulisan an duha nga kawatan, ngan maatubang an mga ine ha kaso nga robbery with force upon things and intimidation ngan illegal possession of fire arms.
Samtang, padayon pa naman an ira ginhihimo nga follow-up investigation kun diin natabo an insidente para han kadugangan nga impormasyon.
