TACLOBAN CITY – Aprubado na hiton Land Transportatipn Franchising and Regulatory Board Regional Office Vlll an 19 nga ruta nga pag aagian han mga pampasaheros nga sarakyan ha syudad hiton Tacloban.
Sumala kan Veronica Reposar, Transportation Development Officer ll hiton Land Transportatipn Franchising and Regulatory Board Regional Office Vlll, mayda gihapon usa nga bag-o nga ruta tikang ha airport ngadto naman ha duha nga dagko nga mall ha syudad.
Damo manggud an mga ruta ha syudad nga haros paprehas la sanglit gin ayad daw ine nga gin himo nala nga usa.
Basar ha gindumara nga survey, ha sobra 90 nga mga ruta ha syudad in ginhimo nala ine nga 19 mahitungod nga kaurugan han mga ine in nagdodoble-doble na.
Mahitungod han pag iban han mga ruta in maiibanan gihapon an mga sarakyan nga maagi ha specific nga ruta mahitungod nga an igbubutang la hine in an kinahanglan la nga kadamo nga maagi pero dire hine karuyag sidngon nga mawawarayan hin trabaho an iba nga drivers. Magkakamay-ada gihapon hira hin kita pinaagi nga pwede an usa nga unit in duha an igbutang nga driver kun diin depende ine ha magigin sabot kun kada pira hira kaoras ugsa magsaliwan pag drive.
