Nag donate hin maabot 14 nga walk-thru metal detectors ha iba-iba nga eskwelahan ha syudad han Tacloban an Tacloban Filipino-Chinese Chambers of Commerce Inc. agud buligan an mga eskwelahan nga mas mapadagmit an proseso han pagpasulod han mga estudyante ha school premises han eskwelahan.
Kalakip ha mga benepisaryo hini in an San Jose National High School, San Jose Central School, Leyte National High School, Rizal Central School, ngan Sagkahan National High School.
Sumala kan Tacloban Filipino-Chinese Chambers of Commerce Inc. Vice President Jimmy Yaokasin, pinaagi han mao nga mga walk-thru metal detactors in mas mapapadali an pag detect kun may-ada dara nga pisaw, pusil o kun ano man nga mga hinganiban an estudyante.
Dugang pa hini, mas mapapadali na gihapon an mga estudyante pag sakob ha mga eskwelahan ug diri na kinahanglan nga pumila hin hilaba ngan kapkapan ha gate ugsa makasakob.
Gin lalauman naman nga pinaagi han mao nga walk-thru metal detectors in mas masisiguro an siguridad han mga magturutdo ug estudyante ha mga eskwelahan.
Manunumduman nga nahimo nga iristoryahon an siguridad han mga estudyante ug mga eskwelahan ha bug-os nga Pilipinas mahuman an nahinabo nga pinakasyahan nga school shooting incident ha bug-os nga nasud nganhi ha syudad hiton Tacloban particularly ha San Jose National High School kundiin, 3 an namatay ngan 20 an nasamaran. An mga suspetyado, igkasi estudyante.
