-- Advertisements --
Dire maubos ha 14 nga bata an namatay samtang lima an samaran mahuman lumaprak an atop han usa nga tutoring center ha syudad han Lahore ha Pakistan dida han Martes.
Ginkumpirma han mga opisyal han syudad an ihap han mga namatay ngan ginmalatumat nga usa nga magturutdo gihapon an nasamaran.
Nabaruan nga aada ha edad 4 kutob 12-anyos an mga biktima kun diin, padayon naman gintatambal an mga samaran.
Samtang, duha katawo naman an gindakop han mga otoridad kasumpay han insidente.
Nagpahayag hin pakikisubo hi Pakistan PM Shehbaz Sharif ha pamilya han mga biktima ngan nag-mando hin dayon nga paghahatag hin bulig medikal ha mga samaran.
