ODD NEWS – Sobra 100 nga mga raysang ngan iba pa nga nga magtarom nga mga butang an nakuha han mga doktor ha Ethiopia tikang ha tiyan han usa nga lalaki nga ira ginoperahan ha Addis Ababa.
Sumala kan Dawit Teare, usa nga surgeon ha St. Peter’s Specialised Hospital, nga may problema ha panhuna-huna an 33-anyos nga pasyente sanglit nga ginkaon hine an mga butang nga natad-an ha tiyan ,kalakip na an maabot 122 nga mga raysang nga may kahilaba nga upat ka pulgada , upat kabug-os nga pins, usa nga toothpick ngan pira pa kabug-os nga mga buong.
Mababaruan nga upat na katuig an kondisyon han mao nga pasyente han umundang ine ha pagtumar han iya tambal para ha iya sakit .
Ine naman an nakikit-an nga rason ni Dawit kun kay-ano nagtikang an pasyente pagpinan-tulon hin mga butang nga dire naman sadang kaunon.
Maswerte naman an pasyente , matungod nga waray kasamad an iya tiyan han mga magtarom nga mga butang nga iya ginkaon.Matungod nga kun pananglitan in nasamad an iya tiyan in posible ine nga makagdurot in impeksyon ngan sugad man pwede nga magin kawsa han iya kamatayon.
Dugang pa ni Dawit nga dire ine an iya syahan nga pasyente nga may problema ha panhuna-huna pero ine an pinaka grabe nga iya nakaptan nga kaso.Hapagkayana in nagpapaupay na an mao nga pasyente mahuman an nagin manilampuson hine nga operasyon.
