NATIONAL – Igin-anunsyo han buhatan han National Food Authority (NFA) nga lilimitaran nira an pagpalit hin bugas ha 100 ka-sako kada parag-uma.
Ini an nagin pahayag han ahensya kadungan han pagpapatuman hini hin mas mahuruhugot nga mga guidelines ha pagpalit hin humay ha mga lokal nga parag-uma.
Panuyo-an han nasabi nga pitad han NFA nga masiguro an pagkakaada hin tangkod nga proseso han pagpalit hin humay.
Makakabulig gihapon ini agud matagan hin eksakto nga benepisyo an mga parag-uma ngan protektaran hira kontra ha mga singabot nga traders.
Sumala kan NFA Administrator Larry Lacson, an limitasyon ha pagpalit han humay ha mga parag-uma in igpapatuman kada panahon han katbari.
Manunumduman nga siyahan na nga iginpahayag han ahensya an plano nga magrenta hin mas damo nga bodega agud ma-akomodar an mga ginbabaligya nga humay han mga parag-uma.
