TACLOBAN CITY – Target magtanum hin maabot 100 milyon nga puno hin lubi ha bug-os nga nasud an ahensiya hiton Philippine Coconut Authority kaupod an Department of Agriculture agud masolusyonan an pag-hitaas han konsumpsiyon hine.
Ha mao nga plano, target gihapon han duwa nga ahenisya nga makapagtanum hin damo nga dwarves nga mga lubi nga mapapadis ha mga dagko nga lubi, agud makag-produce ngan makag-harvest gihapon hin damo liwat nga mga hybrid coconuts. An hybrid mangud in usa ha mga mag-upay nga klase hiton coconuts.
Sumala kan Joel Pilapil, Regional Manager hiton Philippine Coconut Authority Regional Office 8, ginkikita nga usa ine nga maupay nga pitad para mas rumabong pa iton produksiyon han lubi ha luyo han paghitaas han konsumpsiyon hine han mga konsuminador.
Labot la gihapon nga masosolusyonan hine iton nagtitikaguti nga suplay han kalubian in mapupug-ngan liwat hine iton paghaluwag han mga tuna nga kinahanglanon kumo area of production hine nga hapagkayana in nagtitikaguti.
Dugang pa han opisyal nga bisan man waray pa hira taga-i hin mga aludayday maypaghisumpay hine ha regional level, mayda naman daw mga ginpagawas na nga mga impormasyasyon hine nga aktibidad.
