TACLOBAN CITY – Patay an usa nga lalaki samtang samaran naman an kaupod hini mahuman nga pagpamusilon ha Brgy. Central Calbayog City.
Ginkilala an mga biktima nga hira Neil Ilagan, 48 anyos, residente han mao nag lugar ngan Norberto Medrina, 45 anyos, residente han Purok 1 Brgy. Dagum, Calbayog City.
Sumala kan P/Maj. Dexter Astacaan, Information Officer han SPPO, nga samtang nalingkod ha gawas han usa nga tindahan an mga biktima in tigda nala ini nga ginpanmumusil han waray pa makilal-e nga mga suspek.
Nag-angkon hin mga ini hin igo ha magkadurudilain nga parte han lawas nga nagresulta ha kamatayon han biktima nga hi Ilagan samtang nagpapabilin pa naman ha ospital hi Medrina.
Ha pagkayana in padayon an gindudumara nga imbestigasyon han mga kapulisan kasumpay han mao nga insidente.
