TACLOBAN CITY – Usa an kumpirmado nga patay samatang usa naman naireport nga nawawara ha pagkasunog han passenger vessel nga MBCA Mama Mary Chloe ha parte han kadagatan nga sakop han Bohol sugadman Leyte.
Una hini, byahe tikang ha Ubay, Bohol pakadto ha Bato, Leyte an mao nga barko han masunog ini.
Sumala kan PLt. Edwin Villarino, Deputy Chief of Police ng Hilongos, Leyte, maabot ha 163 nga mga pasaheros han mao nga barko an narescue han mga otoridad ha mao nga insidente kun diin pira ha mga ini in gindara ha ira bungto.
Basar gihapon ha inisyal nga imbestigasyon, nakitaan na hin aso an mao nga barko ha bisinidad pala han Ubay, Bohol kun diin ginpatay anay an makina hini ngan gin obserbaran hin usa kaoras san-o nga gamiton.
Nagpadayon la gihapon an pagbyahe hini ngan samtang pakadto na ini ha Bato, Leyte in tigda nala ini nga nasunog.
Ha pagkayana in ada na ha maupay nga kamutangan an mga naitalwas nga pasaheros kun diin kadam-an daw ha mga ini mga taga-Southern Leyte.
Engine failure an nakikit-an nga rason han mga otoridad ha mao nga pagkasunog han barko pero ha pagkayana in padayon pa an ira ginbubuhat nga imbestigasyon bahin hini.
