TACLOBAN CITY- Naglalaum an mga taga Sinirangan Bisayas nga dayon aksyunan han gobyerno an pagbug-os hin Disaster response department.
Una hini guin aghat ni Presidente Rodrigo Roa Duterte an Kongreso nga magpasa hin balaod nga magbubug-os hin departamento nga matutok ha disaster response.
Ini in may kalabutan han mga kalamidad na naigo ha magkaridilain nga parte han nasud Pilipinas.
Manunumduman nga ha guindumara nga State of the Nation Address kakulop nga adlaw ha Batasang Pambansa, guinhalimbawa ni Duterte an guinkakaatubang nga kalamidad han nasud sugad nala han Bagyong Yolanda nga lumasubro ha Sinirangan Bisayas dida han nakalabay nga tuig 2013 ngan ugad man an magnitude-6.5 nga linog nga bumay-og ha probinsya han Leyte yana nga bulan han Hulyo.
Mababaruan nga tikang pa dida han nakalabay nga administrasyon, mahugot nga guin uuran hin batikos han pira nga Yolanda survivors an gobyerno mahitungod daw han diri makataruangan ng pagpaabot hin hinabang ha mga biktima.
