TACLOBAN CITY– Ginkompirma han Ormoc City Police Office, Police Station 1, Bomb Squad ug LGU Ormoc K9 Unit, nga waray nakit-an nga bomba ha sulod han Western Leyte College of Ormoc.
Sumala kan PLtCol Rey Cabelin, Information Officer Ormoc City Police, dayon ine gin-aksyunan han ira team, an nagsarang nga mensahe han gin-aaligar nga bomba, kun diin gintag-usa nira panginano ha kada pasilidad han mao nga eskwelahan.
Dugang pa ni Cabelin, nga naabtan hira hiton kulop ha panginano ha mao nga pasilidad, kun diin gindeklara han mga ine nga cleared an area ngan waray bisan anu nga hulga hiton bomba ngan kadelikaduhan ha mga estudyante ngan magturotdo.
Nagpasalamat naman an WLC ha abtik nga pagresponde han mga otoridad ha nasabi nga panhitabo.
Ha pagkayana, padayon gihapon an gindudumara nga imbestigasyon han PNP Anti Cybercrime Unit kun hino an tinuod nga pangilal-an han nagpadara han mensahe.
