Gin sigurado han National Security Council (NSC), Department of National Defense (DND), ngan Armed Forces of the Philippines (AFP) nga waray beripikado nga direkta nga hulga ha teritoryo han Pilipinas ngan ha mga Enhanced Defense Cooperation Agreement (EDCA) site ha kaluyo han nagtitikaduro nga kasamok ha Middle East.
Sumala kan NSC spokesperson Cornelio Valencia, waray base militar han Amerika ha nasud ngan an mga EDCA site in panag-iya ngan kontrolado han AFP.
Dugang pa, nagpapabilin nga nakapokus la ha Middle Est an kasamok ngan waray natutudlok nga hulga ha mga pasilidad han militar han Pilipinas.
Iginduon han DND nga dire target an mga EDCA sites, kasunod han panawagan ni Senador Erwin Tulfo nga repasuhon an kasabutan. Gin malatumat han ahensya nga an Pilipinas in dire bulig ha kasamok ngan an mga pasilidad in dire gingagamit para ha offensive operations, subay ha pahayag ni Presidente Ferdinand Marcos Jr.
Dugang pa han AFP, an presensya han US ha ilarom han EDCA in rotational ngan para la ha joint training, logistics, ngan humanitarian assistance ngan disaster response.
Nanawagan an mga ahensya ha publiko nga magpabilin nga kalmado ngan dumaop o pumakiana la ha mga beripikado nga impormasyon.
