Usa nga kakaiba nga panhitabo an nahitabo ha Exotic Zoo ha Telford, England, nga nagpakalas ha mga eksperto ngan nagpapakita han kapas han kalibungan nga mamiling hin paagi.
Walo nga baby iguan an napusa tikang ha mga bunay han usa nga babaye nga casque-headed iguana, pero an nakakabilib, waray an mga ine tatay.
An nasabi nga panhitabo nga gintatawag nga parthenogenesis, in nahitatabo kun an usa nga bunay in nabubug-os ngan nagigin usa nga embryo hin dire nanginginahanglan hin sperm.
Ha nasabi nga kaso, an nanay han mga iguana in namumunay hin fertile egg ha kaluyo han kawaray lalaki nga upod. An resulta—walo nga genetic clones han nanay an gumawas ha ira mga bunay, usa nga perpekto nga kopya han nag-uusaan nga nanay.
Sumala kan Scott Adams, direktor han Exotic Zoo, ine in usa ha mga pinakatalagsaon nga panhitabo ha animal kingdom ngan naghahatag hin dako nga kalipayan ha ira zoo.
An pagkabuhi han mga baby iguanas nga presente nga gin aatiman ha reptile nursery, in nagpapasabot hin dire pa bug-os nga naiintindihan nga kakayahan han pira nga species nga magpadamo ha kakaiba nga pamaagi.
