NATIONAL – Nagkamay-ada hin mapaso nga diskusyon hira Senadora Risa Hontiveros ngan Vice President Sara Duterte ha Senado samtang ginbubukad an panukala nga national budget para ha masunod nga tuig han nga nagkakantidad hin P2.037 billion.
Ha pagdungog han Committee on Finance, napansin ni Sen. Hontiveros an mga proyekto nga karuyag ponduhon han OVP kun diin ginbubuhat na han pira nga ahensya han gobyerno.
Kaupod hine an medical and burial program nga kaparehas ha programa han Department of Health (DOH) at Assistance for Individual in Crisis Situation (AICS) han Department of Social Welfare and Development (DSWD).
Depensa han bise-presidente, napopolitika an pondo, pananglitan nala daw nga kun naghahangyo daw hira ha DSWD han AICS in kadas-an nga baton dire pwede mahitungod nga tikang ha OVP nga baga-baga hin kaaway.
Samtang, naipakiana gihapon ni Hontiveros an ginlunsar ni VP Sara dida han nakalabay nga tuig nga usa nga libro nga mayda titulo nga “isang kaibigan” kun diin mayda naka-surat nga ngaran hine dida han cover han libro.
Nagkakantidad hin P10 milyon an ig aalutaga nga pondo hine sanglit ginpapag-eksplikar han senador an bise-presidente ha nasabi nga programa nga igpapanhatag ha usa ka-milyon nga mga istudyante ha remote communities.
Sumala pa kan VP Sara, usa nga pananglitan hin “politicizing” an pagpapakiana ni Hontveros.
Sumala naman kan Sen. Hontiveros, simple la an iya pakiana kabahin han libro nga igpapanhatag ha mga kabataan pero pautro-utro daw nga ginpapahayag han bise-presidente an “politicizing”.
Dugang pa ni Hontiveros, dire maupay an batasan nga gin pakita ni VP Sara.
