TACLOBAN CITY – Plano han DEPED Tacloban City Division nga magmugna hin vaccination drive kasugbong an city health office para ha mga estudyante ha ira mga eskwelahan.
Sumala kan Dr. Nilo Eder, tagapagyakan han han DEPED Tacloban City Division, an mao nga plano in pinaagi han ira health and nutrition unit nga nagpapanuyo nga himuon nga mas maging masayon para ha mga kag-anak an pagpapabakuna ha ira mga estudyante.
An mao nga vaccination drive para han first ngan second dose han mga estudyante nga waray pa kabakunahe in plano nga pagbuhaton ha sakob mismo han mga eskwelahan.
Dire naman ini ginpipirit ha mga kag-anak ngan kinahanglan la gihapon an ira mga consent pero gin-aaghat ini han DEPED city division agud nga makapartisipar na an iba nga mga estudyante ha limited face to face classes ha syudad.
