TACLOBAN CITY– Gintutuohan nga dako an nagin bulig han pag-aabre utro han San Juanico Bridge ha panegosyuhan hiton Samar ngan Leyte.
Sumala kan 1st District Board Member, Hon. Wilson Uy, nga nagin masayon an pagtabok han mga produkto tikang ha Luzon,Visayas ngan Mindanao vice versa, magin an mga pasaheros nga napakanhi ha Leyte.
Dugang pa hine, nakabulig gihapon ine han naglabay nga holiday season, kun diin damo nga mga pasaheros ngan mamaralit an nagkinahanglan nga umagi ha tulay.
Nakabulig gihapon ine nga makatabok an pira na kabulan nga naka standby nga mga cargo trucks ha may By Pass road.
Naglalaom naman hi Uy, nga maaayad ha dagmit nga panahon an nasabi nga tulay, matungod nga dire karuyag sidngon nga gin-abrihan ine ha publiko ngan mga pampasaheros nga sarakyan in totally nga ayad na ine.
Mababaruan nga aprobado na ha national an budget han rehabilitasyon han nasabi nga tulay kun diin ginbabana-bana nga maabot ha P5.9B an gin-alutaga nga pondo ha paghingayad han San Juanico Bridge kun diin naggamit na yana an maabot P1.1B ha pag retrofitting han nasabi nga tulay.
