ODD NEWS – Kadam-an ha aton in nagkukuri ha pag-solve hin Rubik’s Cube pero usa nga teenager tikang ha Australia an nakaghipatik hin world record para ha pinakamadagmit nga pag-solve samtang nakapiring an iya mga mata.
Iginpakita ni Jack Cai han Australia an kakarit ha Rubik’s Cube pinaagi han pag-solve han mao nga mulayan in dire manla nakita, ine an kakaiba nga talento nga naghatag ha iya hin world record.
Mababaruan nga nahimo ine niya ha sakob la hin 16.22 segundo, ha Koalafication Brisbane 2019 nga gindumara hadton Abril 6.Samtang napirde naman niya an anay record hin 0.33 segundo la.
Sumala kan Cai, duro nga makapoy ha huna-huna an pag-solve hin Rubik’s Cube samtang nga dire ine nakita matungod nga kinahanglan nga iya gios in perpekto.
Dugang pa niya nga usa la daw nga sayop han Rubik’s Cube in pwede nga maiba ngan mabag-o an bag-o nga world record ngan mahingadto ka kapakyasan.
