TACLOBAN CITY – Patay an usa nga Person Deprived of Liberty (PDL) samtang nakadto han isolation han presohan mahuman nga utasan hine an iya kalugaringon kinabuhi.
Ginkilala an PDL kan Mario Globa, 45-anyos an pangidaron, ngan residente han Brgy. Tambulilid, Ormoc City.
Sumala kan PLt. Col. Ramil Amodia, Information Officer hiton Ormoc City Police Station, depresyon an rason han pagpapakamatay han PDL.
Basar han inisyal nga imbestigasyon han mga otoridad, nagdumara hin physical head count an duty personnel an nasabi nga jail facility pero pag-abot nira han ikaduha ka-palapag han building in nakit-an an PDL nga nakabitay na ha sulod han CR hine gamit an gindugtong-dugtong na mga bado.
Durante naman han pagdumara han medical assessment in waray na pulso an PDL sanglit gin dara na ine ha pinakaharani nga ospital pero gin deklara gihapon ine nga dead-on-arrival.
