-- Advertisements --
TACLOBAN CITY – Patay an usa nga lalaki ha nahitabo nga panmumusil ha Brgy. Payahan, Calbayog City ha Samar.
Ini in tulo kaadlaw san-o an tidaraon nga eleksyon yana nga Mayo 9.
Ginkilala an biktima kan Pamjoe Pamad, ada ha igo nga pangidaron, 43 anyos ngan residente han mao nga lugar.
Basar ha inisyal nga imbestigasyon, pauli na an biktima tikang ha Brgy. Obrero han mao nga bungto han pag-gitgitan ini han usa nga sarakyan ngan ginpanmumusil.
Nakag-angkon an biktima hin damo nga inig-an han bala ha iya kalawasan nga naging hinungdan naman han iya dayon nga kamatayon.
Ha pagkayana in padayon pa an imbestigasyon han mga kapulisan agud nga matudlok an motibo ngan an mga suspek nga nagpapaluyo ha mao nga panmumusil.
