TACLOBAN CITY – Patay an usa nga inmate han Gamay Municipal Police Station, mahuman nga magpakamatay ha sulod han iya selda.
Ginkilala an biktima kan Jonathan Dolim, 34-anyos an pangidaron, ngan usa nga PUPC han Gamay MPS.
Sumala kan PCapt. Liborio Luces Jr., Acting Chief of Police hiton Gamay Municipal Police Station, basar han inisyal nga imbestigasyon, samtang nagdudumara hin inspeksyon an duty guard han nasabi nga Police Station in nahikit-an hine an nakabitay nga lawas han PUPC ha sulod han toilet han costudial facility.
Gin gamit naman han nasabi nga PUPC an dugnit hine ha paghihikog kun diin ginhigot hine an nasabi nga dugnit ha grills hiton bintana han toilet.
Dayun naman nga gindara an biktima ha pinakaharani nga hospital para matagan hin atensyon-medical pero gindeklara ine nga dead-on-arrival han attending physician hine.
