TACLOBAN CITY – Ginpagawas han usa nga survey han South East Asia Primary Learning Metrics, nga usa ha kada napulo nga estudyante nga Pilipino ha elementarya partikular na ha grade 5 in dire pa nakakabasa.
Damo gihapon han mga estudyante iton nakukurian intindihon an ira ginbabasa o hamubo an reading comprehension.
Sumala kan Department of Education Regional Office 8, Information Officer, Jasmin Francisco Calzita, basar hiton ira datos in nagawas nga dako an porsyento hiton estudyante ha rehiyon an dire pa nakakabasa.
Dugang pa han opisyal nga kaurugan han mga ini in aada ha elementarya pero mayda gihapon pipira nga ada ha sekondarya.
Sumala pa hine, usa ha mga rason han pagdako han ihap ha bug-os nga Pilipinas in mahitungod han COVID-19 pandemic kun diin, umabot hin sobra tuig an kawaray hin sakto nga edukasyon han mga estudyante ngan sugadman an masukot nga suspensiyon ha klase matungod han mga kalamidad.
Ginmalatumat pa ni Calzita nga may-ada na nira mga ginbubuhat nga mga pitad agud masolusyonan an nasabi nga problema sugad nala hiton pagpapatuman han programa nga “Tara Basa Program” agud mabuligan iton mga estudyante nga nakukurian pagbasa.
