NATIONAL – Mahugot nga ginmomonitor han Philippine Coast Guard (PCG) an aktibidad han Chinese Coast Guard Vessel 5901 o mas kilala nga “monster ship” mahuman ine nga masipatan ha may parte han Capones Island ha Zambales dida han nakalabay nga adlaw.
Sumala kan PCG spokesperson on the West Philippine Sea, Commodore Jay Tarriela, mahuman nira nga makumpirma an presensya han monster ship in dayun niras nga gin deploy an BRP Cabra (MRRV-4409) kaupod an duha nga helicopter ha parte han Capones Island.
Na-detect an presensya han monster ship pinaagi han Dark Vessel Detection system tikang ha Canada.
Igin pahayag ni Tariela nga padayon an paghahata han challenge han BRP Cabra ngan han PCG aircraft ha CCG-5901 kun diin gintagan duon hine nga an nasabi nga monster ship in ada ha sulod han exclusive economic zone han Pilipinas basar ha Philippine maritime Zones Law ngan UNCLOS.
Gintagan-duon naman ni Tarriela nga nagpapabilin an ira patapod nga mahugot nga ig monitor an Chinese Coast Guard vessel agud masigurado nga makakag pakabuhi pa an mga Pilipino nga paru-pangisda hin dire ginha-harass han mga barko han China.
