INTERNATIONAL – Nagawas ha classified preliminary intelligence report han Estados Unidos nga pakyas nga mabungkag han panbobomba han Amerika an nuclear sites han Iran.
Pero posible malangan hin pira ka-bulan an nuclear program han Iran mahitungod han pag-atake, butang nga diri pareho ha igin-anunsyo ni US President Donald Trump nga naguba nira ini.
Basar ha iginpagawas han Defense Intelligence Agency, nabalabgan la han strikes an gang-gang han duha nga nuclear facilities, pero waray hini maguba an aadto ha ilarom nga parte ngan nagpapabilin nga marig-on an pira nga centrifuges.
Ginkumpirma naman ni White House Secretary Karline Leavitt nga lehitimo an nasabi nga assessment, pero posible nga sayop ini ngan naklasipika niya kumo usa nga “top secret,” pero gumawas la gihapon an mao nga impormasyon.
Sumala kan Leavitt, an mao nga assessment in usa nga klaro nga pagprobar nga igpakara-ot hi Trump ngan igbalewaray an iginpakita han mga fighter pilot nga nagdumara han malinangpuson nga misyon.
Dugang pa han opisyal, maaram an tanan kun ano an matatabo ha oras nga igpalaprak an 14 nga 30,000 pounds nga mga bomba ha ira targets ngan ini in “total obliteration” o nabungkag an tanan nga nagka-iigo hini.
Manunumduman nga nagtikang an giyera ha butnga han Israel ngan Iran han nakalabay nga Hunyo 13, 2025 mahuman nga maglunsar an Israel hin airstrikes ha nuclear sites ngan top military bases han Iran nga may panuyo-an nga mabalabgan an ira nuclear programs.
