NATIONAL – Ginanunsiyo han US Department of Defense nga mabubutang hira hin mga advanced military capabilities ha nasud ha pagtitikang han Balikatan joint military exercise.
Kaupod nga igbubutang nira an Navy-Marine Expeditionary Ship Interdiction System (NMESIS).
An nasabi nga pahayag in kasunod ha ginbuhat nga pagbisita ha nasud ni US Defense Sec. Pete Hegseth.
Nagkasabot an US ngan Pilipinas nga pakusgon an sumpayan kontra ha bisan ano nga tarhog ha Indo-Pacific.
Kaupod na gihapon an $500M nga foreign military financing ngan pira nga mga security assistance han US ha military modernization han Pilipinas.
Dugang pa ni Hegseth nga an mao nga system in makakabulig agud matraining an mga sundalo han US ngan PH gamit an mga bag-o nga kagamitan para ha pagdepensa han nasud.
