INTERNATIONAL – Gin aprubahan han US State Department an posible nga pagbabaligya hin drones ngan missiles ha Taiwan nga ginbabana-bana nagkakantidad hin $360 million, subay ha Defense Security Cooperation Agency han Pentagon.
An US in nakahigot ha balaod para ha paghahatag hin bulig ha Taiwan para proteheran an ira teritoryo ha kaluyo pa han kawaray pormal nga diplomatiko nga sumpayan han duha nga parte.
An nasabi nga pitad in ha butnga na gihapon han pinahugot pa nga military pressure han China kontra ha Taiwan kaupod an paglulunsar hine hin war games ha palibot han self-ruled island dida han nakalabay nga bulan mahuman an inagurasyon han bag-o nga Presidente han Taiwan nga hi Lai Ching-Te.
Samtang, ginpahayag naman han Pentagon nga makakabulig an nasabi nga arm sale para maupay pa an seguridad han Taiwan ngan ha pagpapabilin han political stability, military balance ngan pag-ursa han ekonomiya ha rehiyon.
