-- Advertisements --
INTERNATIONAL – Ginpahayag han Palestinian medics nga maabot ha haros 120 nga mga Palestinian an namatay ha pag-atake han Israel ha Gaza Strip.
Sumala ha health officials, nga kaapi ha mga namatay an pito nga miyembro han usa nga pamilya mahuman nga maigo an ira balay ha air strike han Israel ha Zeitoun suburb ha syudad han Gaza.
Samtang, sumala naman ha report han tagapagyakan han Hamas nga usa nga babayi nga Israeli nga bihag han gropo an namatay ha northern area mahuman an pag-atake han pwersa han Israel.
Ginpahayag naman han tagapagyakan han Israeli military nga gin-iimbestigahan an nasabi nga report han Hamas.
