LEYTE, LEYTE – Natad-an na an patay nga lawas han nalumos nga menor de edad nga taga-Brgy. Macupa, Leyte, Leyte ha Sitio Elihan Brgy. Elizabeth Leyte, Leyte.
Usa nga parag-uma an nakakita han nagpapalutaw-lutaw nga lawas han biktima, kun diin dayun naman ine nga gin pahibaro ha Brgy. Kapitan han nasabi nga barangay.
Gin kumpirma naman han pamilya han biktima nga hi Cromwil Cuesta an nasabi nga patay nga lawas.
Manunumduman nga nadara an biktima han makusog nga sulog han tubig-salog mahuman nga mangarig kaupod an kasangkayan hine dida han Marso 20.
Kun diin sumala pa kan Leyte, Leyte Local Disaster Risk Reduction Management Officer, Raffy Lucban, nangarigo ha salog an biktima kaupod an duha nga kasangkayan hine, banda alas-10 han aga han Marso 20, ha kaluyo han maraot nga panahon.
Nagdumara hin pira ka-adlaw nga Search and Retrieval Operation an mga taga-MDRRMO Leyte, Leyte pero waray ine mahikit-e, hasta nga kakulop han alas-12:05 han kulop in natad-an na ine nga nagpapalutaw-lutaw ha salog han Brgy. Elizabeth.
