TACLOBAN CITY– Gin pangunahan ni Province of Leyte Governor Jericho L. Petilla an semi launching han Universal Healthcare han rehiyon kun diin, an tanan nga hospital nga sakob han network han province sugad man hiton pribado nga mga hospitals, Rural Health Units, YAKAP, ngan tanan nga gin babaydan han PhilHealth in maagi na ha Gobernador ngan ini na an may kapas pag-validate han tanan nga claims ha ilarom hiton PhilHealth.
Mahitungod hini, an Gobernador an kikilan-on nga de facto han PhilHealth ngan magpapadalagan han mga sistema sugad man an mga alkalde ha kada lokal nga panggobyernohan in mahihimo kumo semi Department of Health ngan semi PhilHealth basar ha Republic Act 11223 o Universal Healthcare Care Act nga may panuyuan nga tagan an tanan mga Pilipino hin access ha kalidad ngan apordable nga health care services ha nasud.
Sumala kan Province of Leyte Governor Jericho L. Petilla, maabot ha P2B an nakatalaan nga ig da-download nga salapi ha ilarom han provincial government ha maabot nga Enero 2 sunod nga tuig.
(via Bombo Nina Magpili)
