TACLOBAN CITY – Nagtikang na an “uninterrupted” vacation han mga kamaestrahan ha bug-os nga nasud dida han syahan nga adlaw han Hunyo, Hunyo 1.
Sumala kan Dr. Nilo Eder, Information Officer hiton Deped Tacloban City Division, dire naman bulig ha may-ada “uninterrupted” vacation an mga non-teaching staff and personnel sugad han mga support staff, supervisors, ngan Principals.
An nasabi nga bakasyon han mga kamaestrahan in mag-iiha kutob ha katapusan hiton bulan han Hunyo ngan mabalik ha pagtrabaho ha pagsulod naman hiton Hulyo.
Samtang, dida han nakalabay nga semana in naghuman na gihapon an klase han ada ha ilarom han Department of Education kun diin sobra 10,000 nga mga istudyante han syudad tikang ha pampubliko ngan pribado nga elementarya ngan sekondarya an nag-gradwar.
Nakatalaan naman nga bumalik iton klase ha maabot ha Hulyo 29, 2024 para han school year 2024-2025.
