ENTERTAINMENT – Malinampuson nga naibalhin ngan naipakita ha Louvre Abu Dhabi ha United Arab Emirates an obra maestra ni Juan Luna na ”Una Bulaqueña,” subay ha National Museum of the Philippines.
An nasabi nga seremonya in gin atenderan nira His Excellency Mohamed Khalifa Al Mubarak han Louvre Abu Dhabi, Philippine Ambassador Alfonso Ver, ngan Jorell M. Legaspi han National Museum.
Ha kaluyo nga banda, makikita ha artwork an usa nga babaye nga taga-Bulacan nga nakasul-ot hin tradisyunal nga bado nga nasalamin hin kahusay ngan dignidad han usa nga Filipina.
Ginkikilala gihapon ine kumo usa nga malinampuson nga pagpapakita han pagka-Filipino han usa nga sining mahitungod ha istilo hine mga mala-European artwork.
Kaupod han ”Una Bulaqueña” an eksibisyon an mga obra nira Auguste Renoir ngan Édouard Manet.
Manunumduman nga gindeklara ine nga National Cultural Treasure dida han 2008, ngan usa ha mga pinakamahal nga likhang-sining ha nasud.
Gintagan-duon naman ni Ver, nga nasalamin ine nga eksibisyon ha madig-on nga sumpayan han Pilipinas ngan UAE.
Samtang, magpapabilin an ”Una Bulaqueña” ha Louvre Abu Dhabi kuton ha Hunyo 2026.
