-- Advertisements --
TACLOBAN CITY – Patay an usa nga ulitawo mahuman nga maghikog ha sakob mismo han ira panimalay ha Brgy. Bool West, Culaba Biliran.
Sumala kan Pol. Lt. Benigno Avila, OIC han Culaba MPS, ginkilala an mao nga biktima nga hi Noel Rosallosa, 21 anyos an pangidaron ngan residente han mao nga barangay.
Subay ha imbestigasyon, mismo an nanay han biktima an nakakita hini nga nakabitay ha sakob han iya kwarto.
Gin-aalegar naman nga an problema ha lovelife o pagbulag nira han iya uyab an ginhihingita nga rason han pagpakamatay han biktima.
Waray naman nakita nga foul play an mga kapulisan bahin han mao nga insidente.
