TACLOBAN CITY – Gin turnover ha mga membro han Pacific Area Alliance of Local Governments for Marine Resources Development (PALMDev) ha Province of Southern Leyte an tulo nga patrol vessels.
An Pacific Area Alliance of Local Governments for Marine Resources Development (PALMDev) in usa nga Baywide Management Council (BMC) o baga-baga hin konseho nga nanginginano han Silago-Cabalian Bay.
Sumala kan Bureau of Fisheries and Aquatic Resources Regional Office 8 Information Officer, Christine Gresola, an mga patrol vessels in gin donar han Canadian Embassy kaparte ha pagsalin-urug han 75th year nga diplomatic relationship han Canada ngan Pilipinas, sugadman han mga non-government organizations nga WildAid ngan Rare.
Samtang, an tulo nga patrol vessels in gagamitun han Philippine National Police (PNP) Maritime Group ngan han Local Government Units (LGUs) han Hinundayan ngan Anahawan para han pagsiguro han hapsay nga operasyun ngan aktibidad ha pagproteher ngan pagkonserba han pangisdaan, agud ngamapugngan an Illegal, Unreported, and Unregulated (IUU) nga mga aktibidad han pangisda ha sulod han Silago-Cabalian Bay.
An Silago-Cabalian Bay in usa han mga priority area han five-year project nga panuyo nga pakusgon an mga fishing communities, ig adopt o gamiton an climate-resilient fisheries technologies, ngan masustener an management han fishery resources.
