TACLOBAN CITY– Arestado an usa nga suspetsado han ilegal nga droga, ha gindumara nga buy-bust operation han PDEA8-Southern Leyte Provincial Office kasugbong an Provincial Intelligence Team- Southern Leyte Regional Intelligence Unit8, ngan an Southern Leyte Police Provincial Office sugadman an Sogod Municipal Police Station, ha Brgy. Buac Gamay, Sogod, Southern Leyte.
Nagresulta an operasyon ha pagkaka-aresto kan alyas “Sander”.
Sumala kan Rogelette Urgel Information Officer PDEA Regional Office Vlll, nakuha ha posisyon han suspek an 5 kabug-os hiton gintutuohan nga shabu nga mayda estimated market value nga Php137,972.00.
Ha pagkayana, naatubang na an suspetsado ha kaso nga pagtalapas hiton Section 5 and 11 han RA 9165 o Comprehensive Dangerous Drugs Act of 2002.
