-- Advertisements --
INTERNATIONAL NEWS– Gintawag ni US President Donald Trump nga usa nga ‘promising’ pero dire pa kompleto an nagin kabatunan ni Russian President Vladimir Putin ha ginduduso nira nga ceasefire ha Ukraine.
Ginpahayag ni Trump nga karuyag niya personal nga makahimangraw hi Putin para mapadagmit an pagduso han peace deal.
Dugang pa ni Trump nga mayda mga pinal nga kasarabutan na an napaghisgutan kun diin angay la nga bumaton an Russia.
Manunumduman nga nagkamayda hin paghihimangraw an tinaglawas han US ngan hi Ukrainian President Volodymyr Zelensky ha Saudi Arabia ngan iginlatag hine an 30-diyas nga ceasefire deal.
Nagpahayag naman hin pagkuwestiyon hi Putin kasumpay ha ginduduso nga peace deal kun diin ginpahayag hine nga pumabor tanan ha Russia.
