INTERNATIONAL–Ginpahitaas na ni US President Donald Trump ha 15% an global duty ha mga imported nga produkto tisulod ha Estados Unidos, usa nga adlaw mahuman nga gindeklara nga iligal han US Supreme Court an dako nga parte han iya tariff program.
Ha iya Truth Social platform, ginmalatumat ni Trump nga mahuman an “thorough reveiew” ha desisyon han Korte Suprema nga gintawagam niya ga “extraordinarily anti-American”, igpapahitaas han administrasyon an import levels ha “fully allowed, and legally tested, 15% level.”
Nanguna na nga gin-anunsyo ni Trump an 10% taripa mahuman an desisyon han korte. Dugang pa niya nga mga masunod nga bulan in mamimiling an iya administrasyon hin iba pa nga “legally permissible” nga pinaagi agud nga magpatuman hin dugang nga taripa.
Sumala ha White House, temporary la an bag-o nga 15% duty ngan posible ine igpatuman kutob 150 ka adlaw.
Mayada mga exemption la gihapon para ha pira ka sector ialrom han bulag nga imbestigasyon, kalakip an pharmaceutical products ngan mga butang nga sakop han US-Mexico-Canada trade agreement.
An pitad in pinabag-o nga yugto ha nagbabag-o nga balaud ha taripa han administrasyon ni Trump, kun diin pira ka beses na nga gintalaan, ginbag-o, o ginbawi an magkalain lain nga lebel han buhis ha mga impiorted nga produkto ha US ha naglabay nga tuig.
Han Biyernes, ha boto nga 6-3, in gindesisyon han conservative-majority Supreme Court nga an balaud han 1977 nga gingamit ni Trump agud nga magpatong hin patigda nga taripa ha pira ka nasud in dire naghahatag hin otoridad ha pangulo aug nga magpatuman hin sugad nga pitad.
Mahugot nga ginbatikos ni Trump an desisyon, ngan ginmalatumat nga hiya in na “ashamed” ha pira ka miyembro han korte, bisan nga duha ha mga mahistradio in gin-appoint niya mismo.
