NATIONAL – Waray nakikita nga rason hi Senate President Francis “Chiz” Escudero para dire ig hatag an bisan anu nga request kasumpay ha transcript han nagin pagdungog kabahin ha war on drugs ha Senado.
Manunumduman nga personal nga umatubang ha hearing dida han nakalabay nga semanda hi anay Presidente Rodrigo Duterte.
Sumala kan Escudero, gin panumpaan naman han anay presidente an iya testimonya sanglit maaram daw ine ha mga kaangayan nga pagbabatunon para ha bisan anuman nga ginyakan hine ha hearing.
Dire daw pwede nga ig konsidera nga an iba nga parte han pahayag han anay presidente in intrimis o sarcasm la mahitungod nga usa nga pormal nga pagdungog an gin atenderan han anay opisyal.
Dugang pa hine, ha transcript in tatanggalon an mga katatawa, tawa han resource person, ngan iba pa, sanglit an masasalin nala daw hine in an ginpanumpaan nga pahayag.
