TACLOBAN CITY – Tradisyunal ngan native Tacloban, ine an nagin inspirasyon han Brgy. 83-B Cogon, San Jose, Tacloban City, nga ginkilala kumo kampeon han Float Design Competition han syudad.
Sumala kan Brgy. 83-B Cogon, San Jose, Tacloban City, Kapitan Marilyn Go, hasta yana hin nalutaw pa hira ha nagin resulta han kompetisyon mahitungod nga waray hira magdadahom nga makukuha nira an kampeonato han nasabi nga paisan-isan.
Dugang pa hine, ine an syahan nga higayon nga bumulig hira ha nasabi nga paisan-isan sanglit dire nira gine-expect nga makukuha nira an kampeonato.
Pag-istorya pa ni Go, nagtikang an ira paghimo han ira float dida han Hunyo 2 kun diin kulang ine nga usa kabulan ugsa an kompetisyon.
Plano naman hine nga bumulig ha masunod nga tuig ha Grand Santa Cruzan 2025, kun diin ginhihingita hine nga makuha gihapon an kampeonato ha nasabi nga paisan-isan.
Samtang, makarawat naman hin P500,000 an nasabi nga barangay kumo premyo han ira pag-kampeon; nag ikaduha naman ha pwesto an Brgy. 31 ngan makarawat ine hin P300,000; ngan P200,000 naman para han nag ikatulo ha pwesto—amu an Brgy. 94.
