TACLOBAN CITY – Ginpahayag han Presidente han Grains Retailers Confederation ha Sinirangan Bisayas nga dako an deperensiya han presyo han humay yana nga season kun igkukumpara dida han nakalabay nga season.
Sumala kan Fredrick Dy Presidente han Grains Retailers Confederation ha Sinirangan Bisayas nga an una nga season in mayda P15 kada kilo nga presyo an humay samtang yana in aada la ine ha P12.50 kada kilo.
Kun babasihan daw an mao nga presyo in magiging dako an kalugian han mga traders yana.
Dire na mangud daw napalit hin mahal nga humay an mga traders matungod nga nagmama-an na hira han una nga nagpakapalit hira hin mahap an presyo nga humay ngan kahuman in nag-inususon liwat an presyo hine.
Dugang pa hine nga dire daw gihapon napalit an mga millers hin mahal nga humay asta yana matungod nga damo pa an ira stock tikang dida han nakalabay nga season.
