-- Advertisements --
TACLOBAN CITY – Arestado iton usa nga most wanted person ha gindumara nga operasyon han mga otoridad ha Brgy. Rawis Hinabangan, Samar.
Ginkilala an suspek kan Jhon Rey Abarquez y Hernandez, 42-anyos an pangidaron usa nga tricycle driver ngan residente ha Brgy. Binubocalan Hinabangan Samar.
Sumala kan Plt. Aldwin Gabiana Asistol Officer In Charge han Hinabangan MPS, nakadto ha Manila hin maabot 13 katuig an mao nga suspetsyado.
Subay han mao nga opisyal, tanan nga may-ada warrant of arrest in gin papagtutukan han ira buhatan nga kun diin nahibaruan nira nga mauli an suspek haira lugar tungod nga hirani na itun kapaskuhan
Mahibabaruan nga maabot na gihapon ha 13-katuig an kaso hine ngan ha pagkayana in maatubang an suspetsado ha kaso nga murder.
