-- Advertisements --
TACLOBAN CITY – Ginpahayag han Traffic Operations Management Enforcement and Control Office (TOMECO) nga nagamit hira hin mobile traffic lights ha pira nga kakarsadahan ha syudad han Tacloban.
Sumala kan Engr. Gary Soriano, chief han TOMECO, an mao nga mobile traffic lights in dako an gamit kumo alternatibo para ha mga karsada ha syudad nga bugiot an trapiko.
Dako gihapon ini nga bulig ha kada kalamidad nga nagdudurot han pagkadistroso han mga traffic lights ha syudad.
Plano naman han TOMECO nga magpurchase hin pira pa nga mga mobile traffic lights para ha pira nga mga lugar ha Tacloban kun diin damo an mga naagi nga mga sarakyan.
Nahibaruan nga an usa nga mobile traffic lights in nagkakantidad hin purlo-minus P100,000.
