-- Advertisements --
TACLOBAN CITY- Utro na liwat nga guinrereklamo an buhatan han Traffic Operations Management Enforcement and Control Office ( TOMECO) mahitungod guinpangahuyan daw hini an na impound nga motor.
Sumala han waray nagpa ngaran nga tagreklamo nga karawat nira an guinkakaatubang nga violation dida han nadakop ini ha Burgos nga dalan han syudad pero guinkakasubo hini nga dida han nahiuli na ha ira poder an mao nga motor in nadiskubrihan nga guinpangahuyan ngean ini.
Dugang pa han tagreklamo nga brand new pa an mao nga sarakyan ngan waray pa ini nag-usa katuig tikang han napalit ini.
Samtang, naghihingyap naman ini nga mabaton han TOMECO an mao nga reklamo agud diri na ini matabo ha iba nga nagtatag-iya guihapon hin sarakyan.
