METRO MANILA – Ginkwestyon ni Senator Rodante Marcoleta hi Senate President Pro Tempore Panfilo Lacson kun kay-ano waray hini imbestigaran an alegayson han 18 nga anay Marines.
Ha iya privilege speech, ginmalatumat ni Marcoleta nga kinahanglan in magkamayda hin pagdungog ha ginpahayag han mga anay Marines.
Dugang pa hini nga klaro an ira impormasyon nga gindara hira ni Zaldy Co ngan nagdeliver hin maleta ha balay han Presidente ha Ilocos Norte.
Ginduon ni Sen. Marcoleta nga waray ginbuhat hi Lacson ngan imbes nga ipresentar ini ha publiko in ginkwestyon pa hini an ira mga kredibilidad.
Waray gihapon ginpatawag ni Lacson an pira nga mga personalidad nga ginmalatumat han mga 18 Marines.
Ginakusaran pa hini an senador mahitungod kun hi anay Speaker Martin Romualdez an ginsusumpay ha kontrobersiya in dayon nga ginkukuwestiyon an mga nag-aakusar.
Ha kabatunan naman ni Sen. Lacson, in ginmalatumat hini nga an mandato han Senate Blue Ribbon Committee in agud igpagawas an kamatuoran kaysa magpakita hin waray mga sulod nga alegasyon.
